Till innehåll på sidan

Om MSB på Nordsamiska

Servodatsuoji ja válmmasvuođa Eiseválddis, MSB,lea vástu doarjut servodaga válmmasvuođa lihkohisvuođaide, kriissaide ja soađi čuovvumušaide. Min jođiha oaivehoavda man ráđđehus lea nammadan. Mii leat sullii 1200 bargi Karlstadas, Kristinehamnas, Stockholmmas, Sandös, Revinges ja Rosersberggas.

Dat jearaldagat maiguin MSB bargá erenomážit lea gádjunbálvalus, bárteeastálas bargu, kriisaválmmasvuohta, siviila bealuštus, cybersihkarvuohta ja sihkkaris gulahallamat. Mii gieđahallat maid kriissaid mat šaddet ja čađahit riikkaidgaskasaš bijuid. MSB:s lea válmmasvuohta birra jándora, birra jagi vai bastá doaibmat jus juoga dáhpáhuvvá dáppe ruovttus dehe máilmmis.

Mii leat sorjavaččat earáin vai lihkostuvvat bargguineamet – gielddat, eanadiggi, leanastivrrat, eiseválddit, organisašuvnnat, ovttaskas olbmot – buohkain lea vástu ja mii stivret ja doarjut doppe gos lea dárbu. Dan mii dahkat skuvlemiin, hárjehallamiin, ráđđeaddimiin, njuolggadusaiguin ja ruđalaš doarjagiin.

MSB vuoruha unnidit riskkaid ja servodaga hearkkesvuođa. Danin mii kártet mii soaitá dáhpáhuvvat ja plánet eastalit dan. Mii ovddidit, nanostahttit, ovttastahttit ja addit háltti servodaga nákcii gieđahallat dan mii goittotge dáhpáhuvvá. Dárbbašlaš oppalaš geahčastaga mii oažžut earet eará váldimiin sadjosii čohkkejuvvon našuvnnalaš dillegovaid. Muhtumin dárbbahuvvo sierra nanostahttimiid dego helikopterveahki ja áššedovdidoarjaga. Dalle MSB:s leat máŋggalágan nanostahttinresurssat ja materiála ja bargoveahka fálaldat.

MSB bidjá bijuid máilmmisnai eallima gádjumii ja heađi geahpideapmái kriissain ja kriisii šaddan riikkain ja eará riikkaid návccaid kriissaid eastaleami ovddideapmái.

Go dáhpáhus guoskkaha gulahallan lea dehálaš. Mii geahččalit joksat nu máŋgasa go máŧolaš dehálaš diehtojuohkimiin gaskkustemiin webbáikkiin ja sosiála mediain ja leahkimiin rabas mediai. Mis lea maid fierpmádat eará eiseválddiiguin gos mii ovttastahttit min sáni.

Bártedáhpáhusaid ja kriissaid maŋŋel lea dehálaš váldit čielgasa mii lea dáhpáhuvvan ja oahppat das. Dutkan, statistihkka ja veardideapmi leat ovdamearkkat mot MSB dahká dan.

Senast granskad: 4 november 2022

Till toppen av sidan