Gihpa Jus kriisa dehe soahti buollá
Gihppagis “Jus kriisa dehe soahti buollá” oaččut rávvagiid got don sáhtát válbmet iežat, ja maid don galggat bargat jus kriisa dehe soahti buollá.
Dilli máilmmis lea hedjonan sakka, soahti lea jođus min birra máilmmis ja ekstrema dálkkit šaddet dábáleappot. Terrorfalleheamit, syberrohkkaheamit ja doalvvuheaddji dieđut geavahuvvojit vahágahttit ja váikkuhit min. Ruoŧŧa lea maid searvan Nato suodjaluslihttui. Danne MSB lea ráhkadan gihppaga “Jus kriisa dehe soahti buollá”. Mii šaddat doallat oktii ja váldit ovddasvástádusa min riikkas vuosttildan dihte uhkádusaid. Jus mii fallehuvvojit de buohkat fertejit veahkehit bealuštit Ruoŧa iehčanasvuođa ja min demokratiija. Vuostenávcca mii huksejit ovttas juohke beaivvi. Don leat oassin ruoŧa válmmasvuođas.
Skábmamánu 18 beaivvi rájis gihpa gávdno digitálalaččat máŋggaid gielaide, earret iežá davvisámegillii.
Loga gihppaga “Jus kriisa dehe soahti buollá” davvisámegillii
Goas mon oaččun mu gihppaga?
Sáddejupmi ruoŧagillii visot sullii vihtta miljuvnna dállodoaluide álggahuvvo skábmamánu 18 beaivvi, ja lea jođus sullii guokte vahku. Gihpa sáddejuvvo maid digitála reivelođáide, maŋŋil go prentejuvvon veršuvdna lea juhkkojuvvon. Gihpa sierra gielaide boahtá gávdnot digitálalaččat dás msb.se.
Maid mon barggan jus mon in oačču gihppaga?
Jus ii leat ožžon gihppaga skábmamánu loahpas de sáhtát diŋgot prentejuvvon veršuvnna dás msb.se. Gihpa sáddejuvvo ruoŧagillii, jorgaluvvon veršuvnnaid boahtá gávdnat digitálalaččat dás msb.se.
Sáhtán go diŋgot gihppaga [davvisámegillii]?
Gihppaga [davvisámegillii] sáhttá dušše viežžat digitálalaččat.
Dovddat go balu?
Mii eallit áiggis uhkádusain mii sáhttá buktit balu ja eahpesihkkarvuođa. Siiddus krisinformation.se gávdno čohkkehuvvon diehtu ruoŧagillii dutnje guhte dovddat balu.
Doarjja balus siiddus krisinformation.se
Gosa galggan jorgalit jus mus leat jearaldagat?
Jus don háliidat diehtit eanet dan birra mii bukto ovdan gihppagis de gávdno eanet diehtu msb.se.
Eaŋgalas webbasadjiRávvagat priváhtaolbmuide (ruoŧagilli)
Jus don it gávnna vástádusa du jearaldagaide don sáhtát váldit oktavuođa MSB:n telefovnna bokte 0771-240 240 dehe e-boastta: broschyren@msb.se